Renungan 1 Johanes 5:1-6

     Anggo Holong Uhurta Bani Jahowa Horjahon Hita ma TitahNi
                                  1 Johannes 5:1-6
I. Parlobeini
        Ajaran napakahouhon bani panorang panuratan ni surat on aima namangajarhon bahasa Jesus sedo Kristus. Sehingga sangat berpengaruh tumang do bani haporsayaon ni kuria bani panorang ai. Lang be porsaya sidea bani kemesiasan-Ni Jesus janah lang parduli be bani nilai-nilai hakristenon atap ajaran-Ni Kristus. Ketidakpercayaan ni sidea ai mambahen sidea lang be ra mangkorjahon parentah ni Jesus na domma ongga itangar sidea. Hal on ma ididah Johanes bani pargoluhan ni kuria na isobut “anak-anak rohani”. Sihol paulakon sidea bani pemahaman na sintong ase ulang mandaoh sidea humbai Naibata janah dna apotan goluh sisadokahni-dokahni.

II. Hatorangan teks
• Ipertegas Johanes bahasa ise naporsaya bani Jesus aima Kristus, na dob tubuh do hape humbani Naibata. Artini, sedo hun dunia on ia tubuh atap bagian ni dunia on ia, tapi bagian ni Naibata do. Dong dua hal na porlu botohonta selaku halak na dob porsaya. Naparlobei: Mangkaholongi Ia na dob manubuhkon hita, napaduahon:

namangkaholongi Naibata berarti mangkorjahon titah-titah-Ni atap taat Bani. Jadi, halak na porsaya maningon do dong buah na boi isaksihon halak na legan marhiteihon pargoluhon ni si ganup ari. Atap hata na legan, anggo adong halak namangaku holong uhur ni bani Naibata tapi lang ra mandalankon titahni berarti siparladung do ai (bdk 1 Joh 1:6). Hubunganta pakon Naibata aima hubungan ketaatan. Songon na ihatahon Boenhoffer (Pendeta Lutheran masa PD-II) bahasa “anugerah tanpa ketaatan adalah murahan dan itu bukan anugerah Allah”. Sintong do memang bahasa lang adong hita na boi mangkorjahon titah ni Naibata ibagas na sempurna, tapi songon na ihatahon John Calvin, “Orang yang mengenal Allah berjuang menurut kapasitas manusia yang tidak sempurna untuk menjalani hidupnya dalam kepatuhan kepada Allah”.

• Lang hape ganup jolma boi manaluhon dunia on, bahkan buei do na justru talu ibahen dunia. Dunia naimaksud ijon aima sikap atap pe karakter pakon parlahou na lang madear na boi pasedahon goluh ni jolma janah mambahen jolma in mandaoh humbani Naibata. Bani bahasa aslini, dunia isobut do horja ni daging. Dunia/horja ni daging menurut Paulus aima: “Panriah-riahon, habutakon, goluh na so manrantei, marnaibata na legan, hadatuon, parmunsuh-munsuhon, partinggilan, parsimburuon, ringis, uhur haut, parbolah-bolahon, parlegan-leganon,subil,parmabukon,marpoya-poya”(Gal5:20-21). Johanes mangkatahon bahasa na boi manaluhon dunia aima halak na dob tubuh humbani Naibata, artini anggo adong do haporsayaon banta boi do hita manaluhon sura-sura ni daging. Haporsayaon na sonaha do na boi mambahen hita manaluhon dunia pakon ganup rosuhni na lang marpardaomuan bani Tuhan Naibata. Bani ayat 5 ihatahon aima haporsayaon bani Jesus na gabe anak ni Naibata. Kristus domma manaluhon ganup kuasa na i tanoh on janah domma homa mamberehon kuasa bani halak naporsaya laho manaluhon dunia on, jadi ganup halak na porsaya bani Kristus na dob monang do ai.

III. Hahonaan
1. “Biak ni jolma namanggoluh i dunia on do ai”, on ma na gati gabe alasan ni hita jolma laho pasintongkon diri anggo manlanggar hita bani titah-Ni. Alasan “i dunia on pe hita” gati homa ibahen hita gabe dalan lang marusaha laho mangkorjahon ganup parentah-Ni ai. Hape hatani Tuhan bani ambilan on patorangkon bahasa margogoh do jolma in mangkorjahon titah janah lang pitah ai, tapi ibere do homa gogoh laho manaluhon dunia (ganup hisap-hisap ni daging ) anggo porsaya jolma in bahasa Jesus do Kristus. Kelemahan, hagobiron pakon ganup ketidak berdayaanta selaku jolma biasa iboban Tuhan Jesus matei i hayu parsilang. Parpuhoon-Ni humbai Namatei manubuhkon hita use padua halihon. Ai ma napataluphon hita mangkorjahon titah pakon manaluhon dunia. Na gabe perenungan do on banta, domma hita porsaya Jesus do Kristus janah domma ibere hita ganup ketidak berdayanta ase iubah gabe kemampuan? Ganup ai tergantung banta.
2. Songon ungkapan ni halak bijak : “Tuhan tidak perduli berapa kali kita jatuh ke dalam dosa, tapi Dia perduli apakah kita bangkit dari keberdosaan kita”. Artini, lang dong jolma na lang madabuh humbani dousa, tapi beda ni namangkaholongi Naibata totap berkeinginan bangkit humbai ganup pardousaonni
3. Anggo ipardiatei hita na gabe pesan teks on aima ase hubanta na mengaku porsaya hubani Tuhan Jesus patut ma mempraktekkon holong na na humbani Tuhan, aima ase sai sondangkon hita ma holongNi das bai hagolapan in ase haganup pardousa ipaluah Naibata. On ma na gabe responta hubani holong ni Tuhan Naibata